Monday, September 18, 2017

After Maging Darna at Inang Reyna, Marian naging Super Ma’am

Magsisimula na ang another telefantasya ng GMA ang Super Ma’am starring Kapuso Primetime Queen Marian Rivera-Dantes.  Kumpara sa ibang lumabas ng fantasy series ay hindi remake or adaptation ang Super Ma’am na pinagbibidahan din nila Kim Domingo, Meg Imperial, Kristopher Martin, Joyce Ching,  Jackie Lou Blanco, at Helen Gamboa. Introducing at leading man n’ya rito ang Fil-American model na si Matthias Rhoads.

Kapalit nga ng mga taong-ibon  ng Mulawin versus Ravena  top billed by  Dennis Trillo, isang guro na may power na maging “tamawo slayer” ang bibida sa series ni Marian.  Kung hindi  ako nagkakamali ay ito pa lang second time ng misis ni Dingdong Dantes mag-solong bida sa fantaserye o gumanap na superhero. Yes after ng kanyang Darna stint noong 2009-2010 at ng kanyang special participation sa requel ng Encantadia.  Pero sa big screen ay nakailan na rin na fantasy films si Marian isa na rito ang version niya ng Inday Bote  

Bukod sa kapana-panabik para sa kanyang mga fans ang kanyang pagbabalik, inaasahan din ang umaatikabo  n’yang fighting scenes laban sa mga Tamawo. Teka ano mga to?



Ang mga tamawo ay ‘di umano mga mahiwagang mga nilalang na may pakpak at kayang magpalit anyo. Trip nila ang magnakaw ng mga kabataan para gawing source kanilang enerhiya.  Ang lider ng mga Tamawo ay si Greta Segovia (Jackie Lou) na nagbabalat-kayong mayaman at mabait donor sa paaralan na kung saan maestra sina Minerva Henerala (Marian), Jake (Enrico Cuenca), at Rose (Ashley Rivera), asst. principal si Jessica (Meg), janitor si Esteban (Jerald Napoles), at principal si Lailani (Shyr Valdez). Samantala, narito rin si Carmina Villaroel bilang si Ceres na may kinalaman sa makapangyarihang sandata ni Super Ma’am- ang buntot pagi.


Kasama rin sa cast sina  Al Tantay (tatay Chaplin Henerala), Julius Miguel (bro Bixby Henerala),  Jillian Ward (genius Michelle), Ash Ortega (Kristy), Marika Sasaki (Dina),Vincent Magbanua (Eric), at Ralph Noriega (Onin), Kevin Santos (Casper), Isabelle de Leon (Rafa), Andrew Gan (Keno), at Ms. Dina Bonnevie na gaganap na na si Raquel Henerala, ina nina Minerva.

Isa sa interesanteng twist sa story din ay ang relasyon ng karakter ni Kim kay Super Ma’am. Gagampanan n’ya kasi ang nawawalang kapatid ni Minerva na si Mabelle Henerala na pinalaki ni Greta at makaka-love triangle n’ya sa American archaeologist- writer na si Trevor Jones (played by Matthias).
Kim Domingo gaganap na sister ni Marian  (Credit: GMA )

In between sa love, family, kabutihan laban sa kasamaan- maganda rin tingnan ang  maipapakitang pagkilala ng programa sa role ng mga guro. Sa totoo lang din kasi, ito ang propesyon na hindi lamang tungkol sa pasyon kundi bokasyon. Mainam nga  na sa pagkakataon na ito ay maipakita naman ang nature at nagagawa ng kanilang propesyon sa lipunan.

Mapapanood ang bagong serye na ito pagkatapos ng news program na 24 Oras. 


Mabuhay!  

No comments:

Post a Comment