Saturday, November 4, 2017

Ano ang pinakapaborito mong pelikulang Pilipino?

One time habang nagbi-break ako ay may nagtanong sa akin, ano daw ang pinakapaborito kong pelikula? Binalik ko ang tanong local ba o foreign? Comedy, action, fantasy,  drama o musical? Pero ang totoo ay nalilito na rin ako kung paano ko ba ika-categorize at paano ko masasabing paborito ko na o sa nagandahan at nahusayan lang ako? Pero 'di ba, kapag favorite  mo ay parang pag-ibig. Kahit may mas guapo at matalino basta  nadale ang puso mo walang genre-genre, luma o bago, o sino man ang bida rito? Pero dahil tagalog ang tanong n'ya eddie dun tayo sa Favorite Filipino Films ko.  So  ito na nga ang part 2

Part 1 > Top 10-5  ( Santa Santita, HalimawCrying LadiesDahil Mahal na Mahal KitaHonor Thy FatherAng Babae Sa Septic Tank

Top 10 Favorite Filipino Movies ni Hoshi

4. Minsan may Isang Gamu-Gamu/ Dahil sa Isang Bulaklak
Credit: wikiMedia
Kinapa ko rin sa sarili ko kung nagagandahan, feeling film critic, o talagang paborito ko ang mga films na ito? Pero oo talaga e, kahit kapanahunan pa ng nanay at lola ko ang mga bida ay nadale ang puso ko. Gusto ko mag-“walling” with matching belo every time na napapanood ko kung paano nag- My Brother is not a Pig. Ang kapatid ko ay tao, hindi baboy-ramo” si ate Guy. 


Ang Minsan May Isang Gamu-Gamo (Once a Moth) ay directed by Lupita Aquino-Kashiwahara  (Dating Lupita Concio) at isa sa entry sa 1976 Metro Manila Film Festival at under Premiere Productions. Mahal na araw noong napanood ko movie na ito  sa bahay ng tyahin ko.  Medyo parusa time yung panonood namin kasi dapat naglalaro kami sa labas at hindi man lang Ant Man, Spiderman or Batman – Gamu-gamo talaga! :P 

Subalit up to this day I am thankful na nanood ako dahil na-appreciate ko bata pa lang ang acting ni Nora Aunor ( at kung bakit tinawag s'yang Superstar). Natakam tuloy ako manood ng iba pang pelikula n’ya  gaya ng Bona at Ina Ka ng Anak Mo. Sana i-digitally remastered at ipalabas ng ABS-CBNRestoration Project o mapanood ko rin ito sa UP Cine Adarna.

Nakakaiyak ang istorya nito na dadagdagan pa ng nakakabilib na authentic acting ni Nora bilang si Cora de la Cruz. Si Cora ay isang nurse na may American Dream na kung kailan malapit nang makalayas ng 'Pinas ay noon pa matotodas ng mga Kano ang kanyang kapatid  malapit lang sa kanila.  Sa pagkakadala nga sa akin sa istorya nagtanim ako ng galit sa mga Kano ( mga 10 gramo) chuz lang.   Bukod din kasi kay Cora ay may iba pang isyu at mismo sa pamilya ng dyowa n’ya (played by the late Jay Ilagan).
Credit: Video 48

               Sa ibang banda, kung may isa pa akong artista na gusto maisa-isa ang kanyang magagandang pelikula ay si Charito Solis. Yes the original Ina Magenta ng Okay Ka Fairy Ko sitcom and film series.  Nagsimula pagkilala ko sa kanya noong napanood ko ang Igorota (1969), tapos napanood ko rin yung ibang video clips ng Karnal at sa isang film na kasama n’ya si Nora ( di ako sure sa title ). Dito sa Dahil sa Isang Bulaklak or Because of a Flower (1967)  ay naipadama n'ya sa akin yung  sakit na magmahal na ang kaagaw mo ay mahal mo rin.  Bilang si Margarita ay anak n’ya rito si Esperanza (Liza Lorena na nasa The Good Son) na ka-triangle ng di alam nito ang kanyang lalaking iniibig. 
Credit: IMDB

   
3. Bata-Bata Paano Ka Ginawa.  Ang film na ito ay movie adaptation ng same novel title ni Lualhati Bautista.  Naalala ko nung college, tinanong kami ng Prof namin kung ano ba ang ibig sabihin ng title.  Bragging right ko na maituturing na nasagot ko with pride at masigabong palakpakan ng buong klase yung question about sa book... kasi  napanood ko yung  film, hehehe. 

Pero grabe naman kasi galing nina Carlo Aquino at Serena Dalrymple roon.  Ang highlight sa akin doon ay tatlo - 
·         nung sinabi ni Maya ( Serena) na “ha, dalawa-dalawa?!”  nung tinanong n’ya si Lea (Vilma kung  sino mahal n’ya kina Raffy ( Ariel Rivera) at Ding ( Albert Martinez).  Tatay ni  Ojie (Carlo) si Raffy  at si Maya naman si Ding.
·         nung sinagot ni Vilma yung makulit na question ni  Ding na anong gagawin (luto) sa itlog – “ Nang Pu*&%4# gawing mong manok.
·         At yung sagutan at sampalan nina Ojie at Lea. Classic yun!
Aside sa acting, story, at iba pang technical aspects ng pelikula. Kaya ko ito naging favorite ay sa mensahe mismo e.

·         Paano mo huhubugin ang mga anak mo (that’s my exact answer sa question ni prof) sa kabila ng iyong mga problema, kahinaan, at pinagdaanan bilang ina o magulang.
·         Ang mga babae ba ay hanggang sa pagiging asawa na lang? Hindi ba sila puwede magkaroon ng career? Maging masaya bilang babae labas sa pagiging asawa o ina nila?
·         Puwede naman gawing simple at casual ang awkward na sitwasyon sa pagitan ng mag-ex, sa bago ni ex, sa pagitan ng ex at present, o sa mga naging ama ng anak mo.  Nasa pagtanggap ‘yan at pagpapatawad.
·         At gaano ka open na pag-usapan ang iyong problema sa iyong pagkababae.
Credit: Wikimedia

2. Tinimbang ka Ngunit Kulang (Weighed but Found Wanting). Ang 1974 film na ito na ay directed by one the great Filipino filmmakers na si Lino Brocka.  Co-writter n’ya rito si Mario ‘O Hara (isa pang great filmmakers at actors).

Napapanood ko ito sa cable at gaya sa Minsan May Isang Gamu-Gamo -- Mahal na Araw. I think it’s the best movie sa lahat napanood ko pagdating sa mensahe, screenplay, at acting so far.  Kapag ipinalabas nga ito ngayon ay napaka- timely at relevant pa rin.  Ang pinaka-take home lesson ko rito ay don’t judge  and be open –minded.  Ang makukuha mo rito ay

·         Minsan kung sino yung  tinitingala ay syang may baho at maputik na pagkatao ( it’s all about #prestige)
·         Kung sino yung minamaliit sa lipunan, sila ang nakakaunawa ng saya at mabuting kalooban
·         Kung lalawakan mo ang iyong isipan, malalaman mo kung ano ang mali at tama. Hindi kung ano ang standard ng lipunan ( #conformity)
·         Ang kabaliwan ng ilan ay resulta ng kasamaan ng iba
·         Hindi  nakakahawa ang ketong, mas nakakahawa ang katangahan at maling paniniwala
Actually marami pa akong hugot sa film na ito.  By the way, maganda rin ang Ganito Kami Noon, Paano Kayo Ngayon (1976) na pinagbibidahan din nina Christopher at Eddie with Gloria Diaz and directed by Eddie Romero.

Trivia may phrase sa bible na Tinimbang ka Ngunit Kulang – Daniel 5:27

1. Magic Temple - 1996 fantasy film directed by  Lore Reyes, Erik Matti, at Peque Gallaga.
Kung may film na kaya kong ulit-ulitin na panoorin isa (kung ‘di man pinaka) na ang Magic Temple mapa-local or foreign films. Masasabi ko rin na masuwerte ako na ito ang nakalakhan kong klase ng entry sa Metro Manila Film festival na pambata.  May comedy, may drama, may love story, may musical part, may mga aral, at fantasy.  Hindi ko na ikukumpara sa mga napapanood natin ngayon na comedy film (na nagpapanggap na pambata). Bahala ka ng humusga at nirerespeto ko naman na kanya-kanya taste natin.

Ang masasabi ko lang ay deserved nito ang paghakot nito ng awards at nang pinanood ko ito hangang-hanga ako sa magic/ vfx.  Hindi ko rin ito pinanood dahil sikat ang mga bida. Katunayan, hindi na active sa showbiz ang halos lahat ng cast nito maliban kay Gina Pareno (Lola Ganda sa Ikaw lang Ang iibigin), Marc Solis (nasa Ang Probinsyano), Jun Urbano, at Jackie Lou Blanco (nasa Alyas Robinhood).  Pero ang bida talaga rito ay sina Marc (as Omar), Jason Salcedo (as Jubal), Junell Hernando (as Sambag), at Anna Larrucea (as Yasmin).

Note: Lahat ng photo at video na ginamit ay hindi akin at malalaman ang pinagmulan sa pamamagitan pag-click sa bawat isa rito. Maraming Salamat! 


No comments:

Post a Comment