Deserving, Expected? JM, MayWard, at Kathryn sa 2018 RAWR Awards Part 2

Matagumpay na naidaos ang 2018 RAWR Awards ng LionHearTV sa Le Rêve Pool and Events Place Quezon City kamakailan. 25 Awards ang ipinamahagi at kabilang sa nakatanggap ay si Jessica Soho,  Vice Ganda, MayWard, pelikulang The Hows of Us, at si  Kathryn Bernardo.  Sinong deserving at expected manalo? Narito ang aking personal na kuro: 

Dito- Ang Part 1 ng blog post na ito 

RAWR Awards Highlights II

Deserving.

JM De Guzman won The Great Comeback award, which deserved na igawad kanya at sa mga taong nakapaligid sa kanya.  Sa acting, karisma, at hard work ni JM ay hindi naman nakakapagtaka makabalik s’ya.

 Bukod sa talent at skill, aba commitment at hard work din ang puhunan sa pagiging anchor ng isang programa. At napapanood ko naman ang dedikasyon nila Vice Ganda (Favorite TV Host), Jeff Canoy  (Male News Personality of the Year ), DJ Jhai Ho (Favorite Radio DJ), at Jessica Soho (Female News Personality of the Year) kaya karapat-dapat na magawaran ng parangal ang mga gaya nila. 

Ganoon din ang masasabi ko sa kinilalang Love Team of The Year at Fans Club of the Year.   Ang MayWard Love Team ay nabuo at sumikat sa 7th season ng Pinoy BigBrother.  Nakakatuwa na after ng stint nila sa reality show ay may naipakita pa silang talent, skills, charm, good working attitude.  Isa pa ay  grabe rin  sold out concert,  pelikula,  albums, brand endorsements, magazine covers,  at foundation nina  Maymay  Entrata at Edward Barber. Ito ang latest pa nga ay ang pagrampa ni Maymay sa Arab Fashion Week. Parang hindi ko naman ata  kailangan na maging MayWard fan muna, para mapansin at ma-appreciate ang  mga wow na ganap sa kanilang career.

Naniwala lang ako, na siguro kaya may ganitong thriving career ang MayWard ay dahil positive features nila.  Sabi nga ni Chinkee Tan:” Positive Mindset + Positive Action = Positive Result.   At s'yempre isa sa dahilan ng bongga nilang career ay ang kanilang fans. Last year sa RAWR Awards nakasabay ko sila, grabe oi ang pagka-supportive nila. Sa totoo lang dahil sa kapapanood ko ng YT videos na  may MayWard ay namumukhaan ko na sila kung makikita ko sila sa personal. Nung nakita ko 'yong dalawang pamilyar ay nasabi ko talaga- “aha darating ang MayWard!”

No Doubt.

Samantala hindi ko ipinagtaka at somehow ini-expect kong manalong The Advocate si Angel Locsin (Red Cross), Favorite Newbie si Donny Pangilinan, Movie ng Taon ang ‘The Hows of Us, Favorite Performer si Morissette Amon (Morissette is Made), Bibo Award si Ella Ilano (Sana Dalawa Ang Puso), Best Actor si Joshua Garcia (The Good Son), at Favorite Bida (La Luna Sangre) at Best Actress (The Hows of Us) si Kathryn Bernardo.

Samantala, narito pa ang ibang nanalo sa 2018 RAWR awards

·         TV Station of the Year – ABS-CBN
·         Radio Station of the Year – Barangay LS 97.1
·         Brandspeak - Smart Communications Inc. and OPPO
·         Hugot Song of the Year – Mundo – IV of Spades
·         PR of the Year – Ripple 8, Strategic Works, Abs-CBN Corporate Communications and Spark It! PH
·         Trending Show of the Year – It’s Showtime
·         Favorite Group - Hashtags
·         the Royal Cub - Kris Aquino    (“The Royal Lion Award  is a distinct honour for someone who has shown courage beyond all odds. “)

Side note Bilang Blog Media Partner

I’m grateful na maging bahagi ng RAWR awards and happy for Richard Paglicawan and his LionHearTV.net team. He’s one of the pleasant bloggers, sila ni Flow Godinez, na madaling kapalagayan ng loob kahit ‘di pa kayo masyado magkakilala.  Sa ganoong impression, kasama na ang kanilang istorya at misyon ay nakakatuwa makita silang nagtatagumpay. By the way, naaliw ako kay Ian Heneroso bilang announcer ng nominees and winners.

Ang 2018 RAWR Awards ay suportado ng PLDT Smart at ka-partner sa tagumpay nito ay ang Le Rêve Pool and Events Venue and CVJ Food Corporation.  Thank  you din  Lalamove Philippines, Home Credit Philippines, Brother Philippines, CAT PR, Voyager Innovations, The Huddle Room, Greenbulb Communications, CID Communication, Jollibee, Mode Devi, Starbucks Philippines, Akrotiri, Copperazo, Fuentes Manila, Coffee Lab, at DOJO PR.

Sa ibang banda, na-touch din ako sa pa- tribute ng LionHearTV.net para sa mga bloggers/ vloggers na pumanaw na.  Wala akong gaanong  kilala sa mga iyon, pero may katok sa puso. Ipinapaalala noon na sa likod ng social media, online platforms, camera, at mga  events ay buhay.  Isa pa'y marami rin akong nakasabayan na hindi ko na alam kung anong nangyari sa kanila. 

Breakthroughs of Tony, Kyline, Darren, at Maine - 2018 RAWR Awards Part 1

Successful and touching ang 2018 RAWR awards ng LionHearTV na ginanap sa Le Rêve Pool and Events Place Quezon City. Kabilang sa mga umalingawngaw na pangalan sa entablado ay sina  Darren Espanto,  Tony Labrusca, Kyline Alcantara, TNT Boys, at Maine Mendoza.  Ang host ng gabi ng parangal si KaladKaren Davila at ang Modern Filipiniana ang tema ng gabi ng RAWR.

 Ito ang ika-apat na taon ng pagbibigay parangal ng LionHearTV para may  ‘impact’ sa local entertainment.  Gayon din ng pagsama-sama ng bloggers, brand partners, PR agencies, at celebrities. Ito naman ang ikalawang beses na makadalo rito at maimbitahan ang Hoshilandia/ InTheEZone na maging media partner. 

RAWR Awards Highlights:

The Early Birds

Ang isang unang namataan (na nakilala ko agad) kong dumating  ay ang TNT Boys. Sila ang ginawaran ng Royal Cub award  na para sa mga tao/ grupo na nagpamalas ng kanilang talento at galing sa  buong mundo.  Matatandaan na ang grupong ito nina Keifer Sanchez, Mackie Empuerto, at Francis Concepcion ay naimbatahan sa international show na Little Big Shots US, UK, at Australia.  Sila rin ang nanalo sa 2^nd season ng Your Face Sounds Familiar Kids Philippines.

Early Bird din si Jeffrey Hidalgo. Sa hindi nakakakilala si Jeffrey ay isa sa 4-member Smokey Mountain singing group na binuo noon ng National Artist for Music Ryan Cayabyab. Apparently ay  nandoon s'ya para sa award na nakuha ng programang Inday Will Always  Love  You, na isa s'ya sa cast member. Ang nasabing Kapuso show, na pinagbibidahan ni Barbie Forteza at Derick Monasterio,  ay ang nanalong Bet na Bet na  Teleserye (  Best TV Series). Nang tinanggap ang nasabing parangal ay kasama niya ang cast and  crew ng show, kaabilang na ang veteran actress na si Nova Villa.

Si Jeffrey din ang umakyat para kay Kimpoy Feliciano, kasama n’ya sa Inday, na nanalong Digital Influencer of the Year.  

Who Breakthrough  in Showbiz?

May award for Breakthrough Artist of the Year at napunta iyon kay Tony Labrusca.  From being finalist sa Pinoy Boyband Superstar ay nakilala na nga husto si Tony. Personally nakilala ko na s’ya bilang Jake sa La Luna Sangre at pagkatapos noon ay nakilala ko na sya bilang endorser ng McDo ( kasama si Elise Joson) at bilang  isa ipinapares kay Kisses Delavin ( or KissTon).  Pero I think iba rin ang punch nitong mapangahas na movie n’ya with Angel Aquino. To accept that daring role sa Glorious (Dreamscape Digital Entertainment), wow mukhang gusto ngang breakthrough ni Tony sa stereotype projects for his age (23).

 Maliban sa kanya, ang bumi-breakthrough din si Kyline Alcantara na nanalo bilang Favorite Kontrabida para sa programang Kambal Karibal.  May angas itong batang ito para sa edad niyang 16 at para sa akin ay maganda ang naiibang simula ng kanyang career sa Kapuso Network.  You know basagin ang ma-typecast sa paawa at pahinhin na role. Kasi sa totoo lang mas mahirap makawala sa ganoong imahe (will blog about soon).  And good thing din na she can also sing pala at nagka-concert s’ya.

Kasama rin sa linyahang ito si Darren Espanto, na nag-uwi  ng  Beshie ng Taon (Best Supporting Actor for The Hows of Us)  I wished na sana dumalo siya sa 2018 RAWR awards kasi  last year pinagsisihan ko na hindi nakapagpa-picture sa kanya, hehehee.   Saka gusto ko sana s’ya ma-interview this time kasi parang ang cool ng gawa n’ya these days.  May feeling ako na binabasag din niya yung limitations n’ya bilang mere singer/ balladeer. No doubt na magaling na singer sa Darren pero ang okay din ang mga dance moves n’ya ha, pati na iyong pagsubok niya sa acting. Tingnan mo nga naman, unang arangkada pa lang may wagi na agad.

Para rin manalo na Pak na Pak na Comedian si Maine Mendoza ay something breakthrough din.  Well alam natin na isa s’yang famous TV personality, social media influencer, at effective brand endorser. Pero napapansin ko sa kanya ay she knows what and where she can deliver well, ‘yon na nga hosting at comedy. Sa kahenerasyon sa showbiz at kaedadan n’ya walang umaariba sa comedy at hosting.  Kung iyon man ay limitation sa iba,  hindi para sa isang gaya ni Maine na pak na pak sa kanyang ginagawa.

Sundan ang part 2